Полиция ханзаада наамынан ажыратылган Эндрю Маунтбеттен-Виндзордун соода өкүлү болуп турган учурунда кызмат абалынан кыянаттык менен пайдаланган деген шек менен камакка алынганын жарыялады.

Полиция департаменти бейшемби күнү Улуу Британиянын мыйзамдарына ылайык Маунтбеттен-Виндзордун ысымын расмий ачыктаган жок. Бирок анын камакка алынгандыгы тууралуу суроого жооп иретинде, полиция 60 жаштардагы адамдын кармалганы тууралуу билдирүүгө шилтеме берди.

Темз Вэлли полициясы билдирүүсүндө: "Тергөөнүн алкагында биз бүгүн (19-февралда) Норфолктон 60 жаштардагы эркек кишини борбордук мамлекеттик кызматты кыянаттык менен пайдаланган деген шек менен камакка алдык», — деп билдирди.

Билдирүүдө: “Кенен түрдө баа берүүдөн кийин мамлекеттик кызматты кыянаттык менен пайдалануу фактысы боюнча тергөө баштадык. Бул кылмышты иликтөөдө өнөктөштөрүбүз менен бирге иштешип жатып, тергөөнүн бүтүндүгүн жана объективдүүлүгүн сактоо биз үчүн өтө маанилүү», — деп айтылды.

Полиция камакка алуудан кийин эки даректе — бири Британиянын чыгышында, экинчиси борбор шаар Лондондун батышында тинтүү иштери жүргүзүлдү.

Өткөн аптада ортого чыккан жаңы маалыматтарга ылайык, Эндрю Улуу Британиянын соода өкүлү болуп турганда сексуалдык кылмыштар боюнча соттолгон Джеффри Эпштейнге жашыруун документтерди жөнөткөн.