Grok колдонуучуларга жөнөкөй тексттик буйруктар менен аялдардын жана балдардын сексуалдык мүнөздөгү сүрөттөрүн түзүүгө жана бөлүшүүгө жол бергендиги үчүн эл аралык коомчулуктун катуу сынына кабылууда.
Ofcom бул билдирүүлөрдү "өтө тынчсыздандыруучу" деп мүнөздөдү.
Билдирүүдө адамдардын жылаңач сүрөттөрү "купуя сүрөттөрдү кыянаттык менен пайдалануу же порнография болушу мүмкүн, ал эми балдардын сексуалдык мүнөздөгү сүрөттөрү балдарды сексуалдык эксплуатациялоо материалдары болушу мүмкүн" деп айтылды.
AFP бул маселе боюнча комментарий алуу үчүн X компаниясына кайрылган, бирок компания азырынча жооп бере элек.
Ofcom 5-январда X компаниясына кайрылып, Улуу Британиядагы колдонуучуларды коргоо үчүн ташталып жаткан кадамдарды түшүндүрүп берүүнү суранганын билдирди.
Жөнгө салуучу орган сүйлөшүү тууралуу кенен айтпастан, X белгиленген мөөнөттө жооп бергенин билдирди.
Расмий иликтөө Xтин "мыйзамдуу милдеттерине аткарып же аткарбаганын" аныктайт.
Июль айында күчүнө кирген Улуу Британиянын Онлайн Коопсуздук Мыйзамына ылайык, потенциалдуу зыяндуу веб-сайттар, социалдык медиа жана видео бөлүшүү платформалары колдонуучулардын жашын бетти таануу же кредиттик картаны текшерүү сыяктуу ыкмалар менен так текшериши керек.
Мындан тышкары, медиа сайттардын макулдугусуз сексуалдык мүнөздөгү сүрөттөрдү же балдарды сексуалдык зомбулукка тарткан материалдарды (анын ичинде жасалма сексуалдык мүнөздөгү сүрөттөрдү) түзүүсү же бөлүшүүсү мыйзамсыз деп эсептелет.
Ofcom бул эрежелерди бузгандыгы үчүн дүйнөлүк кирешенин 10% га чейин айып пул салууга укуктуу.
Өткөн аптада Grok премиум жазылууга шилтеме жарыялап, Xтеги бул баскыч эми "акы төлөнүүчү жазылуучулар менен чектелет" деп билдирген. X бул жаңы монетизация саясаты менен эл аралык сынды четке кагууга аракет кылган.
Улуу Британиянын премьер-министри Кир Стармер бул кадамды жабырлануучуларга карата кемсинтүү экендигин белгилеп "бул чечим эмес" деген.
Ишемби күнү Индонезия бул баскычка кирүүнү толугу менен жапкан биринчи өлкө болду; жекшемби күнү Малайзия да ушундай кадамга барган.
Европа комиссиясы Grok тууралуу арыздарды иликтеп жатканын жарыялады.
