Израиль армиясы ок атышууну токтотууга карабастан Газа тилкесине чабуулдарын улантууда.
Газадагы Саламаттыкты сактоо министрлигинин жазуу жүзүндөгү билдирүүсүндө, 2023-жылдын октябрынан бери уланып келе жаткан Израилдин чабуулдарынан каза болгондордун санына байланыштуу акыркы маалыматтар бөлүшүлдү.
Акыркы 24 саатта Газадагы ооруканаларга 3 адамдын сөөгү жана 35 жаралуунун алып барылганы кабарланды.
2025-жылдын 10-октябрында Газада ок атышууну токтотуу күчүнө киргенден бери Израилдин чабуулдарынан 936 адам каза болуп, 2903 адам жаракат алды жана 781 адамдын сөөгү урандылардын астынан табылды.
2023-жылдын октябрынан бери Израилдин Газага жасаган чабуулдарынан каза болгондордун жалпы саны 72 945ке жетти, анын ичинен 173 011 адам жаракат алды.
Газа тилкесинде дагы деле миңдеген адамдардын сөөгү урандылардын астында экени айтылууда.
