Филиппиндин түштүк жээгинде күчү 7,4 баллга жеткен күчтүү жер титирөө болду. Филиппин сейсмологиялык кызматы кыйроолор жана жер титирөөлөрдүн күтүлүп жатканын билдирди.
Филиппиндин сейсмологиялык кызматынын директору Тересито Баколкол жер титирөөдөн кийин цунами коркунучу тууралуу эскертүү берилерин билдирди. Жер титирөө саат 9:43тө Минданао аймагындагы Манай шаарынан 20 чакырым алыстыкта болгон.
Сейсмологиялык кызмат жер титирөөдөн көп өтпөй цунами коркунучу тууралуу эскертти.
Алдыдагы эки сааттын ичинде өлкөнүн Тынч океандын жээктеринде бир метрге жеткен толкундардын болушу күтүлүүдө.Бул аймактардагы жээк тургундарына "дароо бийик жерлерге же ички аймактарга баруулары" сунушталды.
Ушул кезге чейин кандайдыр бир кыйроо жана адам өлүмү тууралуу маалымат берилген жок.
Он бир күн мурун Жебу аралында күчү 6,9 баллга жеткен жер титирөө болуп, 74 киши каза болуп, 72 миңдей үй кыйрап же зыянга учураган.
