Бекаи телеканалдардын бирине берген маегинде күн тартибиндеги актуалдуу маселелерге баа берди.

Буга чейинки тажрыйбаларга таянып, бир пикирге келүү мүмкүн болбогон татаал маселелер менен убакыт короткусу келбегенин белгилеген Бекаи: «Учурда биздин чечимибиз — согушту токтотууга көңүл буруу. Анткени бул кырдаал Иран эли үчүн да, аймак жана эл аралык коомчулук үчүн да кооптонууну жаратууда»,- деди.

“Ирандын булуңдагы өлкөлөргө каршы эч кандай душмандыгы жок”

АКШнын аймактагы аскердик катышуусу коопсуздукту жаратып, АКШнын базалары жайгашкан өлкөлөргө коркунуч туудурарын белгилеп, Бекаи: "Иран Перс булуңунун түштүгүндөгү өлкөлөргө каршы эч кандай душмандык мамиледе эмес", - деди.

Ирандын өкүлү Перс булуңуна чектеш мамлекеттер менен мамилелер өз ара сыйдын жана кызыкчылыктардын негизинде жүргүзүлөрүн билдирди.

Бекаи ошондой эле Иран элинин эч качан кысымга же багынууга моюн сунбай турганын айтты.