Ливан президенти Жозеф Аун дүйшөмбү күнү Бейрут портундагы жарылуунун 5 жылдыгына карата адилеттүүлүктү камсыз кылууга убада берди.

Аун Ливан президенттигинин X платформасындагы билдирүүсүндө, 2020-жылдын 4-августундагы жарылууну – дүйнөдөгү эң күчтүү ядролук эмес жарылуулардын бири катары мүнөздөп: “Улуттун жана дүйнөнүн абийирин титиреткен чоң кылмыш. Бул окуя 200дөн ашуун адамдын өмүрүн алып, миңдеген күнөөсүз адамдын жараланышына жана борбор шаарыбыздын толугу менен кыйроосуна себеп болду”,- деп белгиледи.

Аун : “Ливан мамлекети, бардык мекемелери менен токоолдуктар же окуяларга аралашкандардын даражасы эмне болсо болсун чындыкты ачыкка чыгарууда чечкиндүү”,- деди.

“Адилеттүүлүк өлбөйт, сөзсүз жоопкерчилик болот”,- деп кошумчалады.

Ливандын президенти бул апааттан жооптууларды жоопкерчиликке тартуунун улутту алдыңкылык болууну улантып жаткандыгын баса белгилеп : "Биз бардык тиешелүү органдарды айыпталуучуларды сот жообуна тарта турган ачык-айкын жана адилеттүү тергөө жүргүзүүнү камсыз кылууга мажбурлоону улантабыз",- деди.

Көз карандысыз иликтөө

Бейруттагы АКШ элчилиги да бул тууралуу өз пикирин билдирип, Ливан элинин жоопкерчиликти талап кылуу укугун колдой турганын билдирди.

Билдирүүдө Ливандын "жабырлануучулар үчүн адилеттүүлүктү камсыз кылган, элитаны коргобогон көз карандысыз жана калыс сот системасына татыктуу" экени баса белгиленип, Вашингтон администрациясы "өз эли тарабынан калыптандырылган,эгемендүү, туруктуу жана гүлдөгөн Ливанга" колдоо көрсөтөрүн ырастады.

Жарылуу 220дан ашуун адамдын өмүрүн алып, 7000ден ашуун адамды жарадар кылып, Бейрутта кеңири кыйроолорго алып келди. Шаар оор экономикалык кризис менен күрөшүүнү улантууда.

Расмий божомолдорго ылайык, жарылуу конфискацияланган кемеден түшүрүлүп, 2014-жылдан бери сакталып турган болжол менен 2750 тонна жогорку жарылуучу аммиак селитрасынан улам келип чыккан.