Украинанын президенти Владимир Зеленский АКШнын президенти Дональд Трамптын өкүлдөрү Жаред Кушнер жана Стив Виткофф менен телефон аркылуу сүйлөшкөнүн жарыялады.
Зеленский социалдык медиа аккаунтундагы билдирүүсүндө, Кушнер жана Виткофф менен телефон аркылуу сүйлөшүү учурунда Орусия-Украина согушун талкуулагандарын маалымдады.
Сүйлөшүүнүн 1,5 саатка созулганын баса белгилеген Зеленский: "Биз Украина, АКШ жана Орусиянын ортосунда делегация деңгээлиндеги үч тараптуу форматка даярданып жатабыз; бир жумадан аз убакыт калды", - деди.
Зеленский 2022-жылдын февраль айынан бери уланып келе жаткан согушту токтотуу жана Украинанын коопсуздугун кепилдөө боюнча сүйлөшүүлөр Бельгиянын борбору Брюсселде да уланып жатканына көңүл буруп, мындай деди:
"Бул согушту тезирээк токтотуу үчүн сүйлөшүүлөрдү мүмкүн болушунча интенсивдүү жүргүзүү керек. Украина зарыл кадамдарды жасоого даяр, сунуштарыбыз так жана биз аларды АКШ тарабына жеткирдик".
