Орус кол салууларында Украинанын борбор шаарынын түндүк -  чыгышындагы бир райондо үч кишинин алардын ичинен бир баланын каза болгону билдирилди. Аймактык бир аскердик жетекчи ишемби күнү жасаган билдирүүсүндө Киевге жакындап келе жаткан баллистикалык ракеталар тууралуу эскертти.

Москва акыркы айларда Украинанын борбор шаарына карата чабуулдарын бир кыйла күчөттү; көбүнчө кыска мөөнөттүү чабуулдарда токтотуу кыйын болгон баллистикалык ракеталардан бири биринин артынан ок атылууда.

Аймактык аскердик башкаруунун башчысы Тимур Ткаченко Telegram каналынан Киевдин түндүк – чыгышындагы Бровары районуна карата кол салууда араларында бир бала да болгон үч киши каза болуп, үч киши да жаракат алганын билдирди.

Украинанын мамлекеттик өзгөчө кырдаалдар кызматы өрттөнүп жаткан, талкаланган имараттардын сүрөттөрүн бөлүшүп, Пухивка айылындагы кол салууда эки кабаттуу үйдү жана эки унааны талкалап, кампада өрт чыкканын билдирди.

Борбор шаарда болгон AFPнин кабарчысы Украинанын аба күчтөрү «түндүктөн баллистикалык курал колдонуу коркунучу» бар экенин эскерткен маалда ондон ашык жардыруунун үнүн уккан.

Киев аскердик башкаруусу Telegram аркылуу шаардагы түнкү кол салууларда  төрт кишинин жаракат алганын билдирди.

Буга чейин "Киевде баллистикалык ракеталардын колдонулушуна байланыштуу абадан сокку уруу коркунучу жарыяланганы" айтылып, тургундарга баш калкалоочу жайларга барышы айтылган.