Франциянын ички иштер министри Лоран Нуньес өткөн аптада министрликке багытталган киберчабуул учурунда хакерлер укук коргоо органдарынын маалымат базасына киргенин ырастап, "ондогон купуя файлдар" бузулганын билдирди.
Franceinfo агенттигине берген маегинде Нуньес министрликтин шаршемби күнү бир нече файл уурдалган киберчабуулга дуушар болгонун, алардын арасында Кылмыш иштери документтеринин системасы жана Издөөдө жүргөн адамдардын маалыматтары бар экенин айтты.
"Булар биз үчүн маанилүү файлдар", - деген Нуньес кызматкерлер дагы деле бузуунун зыянын аныктап жатканын кошумчалап "Бузуунун көлөмүн азырынча билбейбиз. Азыркыга чейин тутумдан бир нече файл чыгарылып кеткен, анда миллиондогон маалыматтар камтылган», — деди.
Бул окуяны «олуттуу аракет» деп мүнөздөгөн министр системадан кандай маалыматтар алынганын так аныктоо үчүн тергөө иштери жүрүп жатканын баса белгиледи.
Ички иштер министрлиги кол салуу 11-декабрдан 12-декабрга караган түнү кесиптик электрондук почта кызматтарынын бузулушун камтыганын ырастады.
BFMTVге берген билдирүүсүндө министрлик анализдер "жеке маалыматтарды камтыган кесиптик электрондук почта аккаунттарына уруксатсыз кирүү болгонун жана бул маалыматты алуу бизнес тиркемелерине кирүүгө мүмкүндүк бергенин" көрсөткөнүн айтты.
Француз бийлиги кылмышкерлердин ким экенин же маалыматтар жаман ниетте колдонулуп колдонулбаганын билдире элек.
Коопсуздук кызматтары техникалык иликтөөлөрдү улантып, коргоону күчөтүү жана тобокелдик факторлорун чектөө чаралары көрүлдү.
