Советтер союзу мезгилиндеги бир космостук кеме Венера планетасына карата жасалган ийгиликсиз учуруу аракетинен жарым кылымдан ашуун убакыттан кийин ишемби күнү Жерге кулап түштү.
Европа Биримдигинин Космосту байкоо жана көзөмөлдөө кызматы түрдүү анализдер жана андан кийинки орбиталарда кеменин көрүнбөшү менен кеменин атмосферага көзөмөлсүз кайра киргенин тастыктады. Европа космостук агенттигинин космостук калдыктар кеңсеси да космостук кеме немис радар станциясынан жоголуп кеткенден кийин кайра орбитага чыккандыгын билдирди.
Космостук кеменин Жердин кайсы жерине кулап түшкөнү же жарым тонналык кеменин канча бөлүгү атмосферада күйгөндөн кийин канча бөлүгүнүн бүтүн бойдон калганы дароо аныктала алган жок. Эксперттер буга чейин унаанын Күн системасынын эң ысык планетасы болгон Венерага конууга ылайыкташтырылгандыктан кээ бир бөлүктөрүнүн же бүтүндөй Жерге түшүп кетиши мүмкүн экенин алдын ала айтышкан.
Окумуштуулардын айтымында, космостук кеменин урандысынын кимдир бирөөлөргө зыян келтирүү ыктымалы төмөн.
Жердин орбитасында калган кемеле
1972-жылы Советтер союзу тарабынан учурулган жана «Космос 482» деп аталган бул космостук кеме Венерага багытталган миссиялардын бир бөлүгү болгон. Бирок бул кеме Жердин орбитасынан чыга албай, ракетадагы мүчүлүштүктөн улам ошол жерде калган.
Кеменин көпчүлүк бөлүгү ишке ашпай калган учуруудан кийин он жылдын ичинде Жерге кулап түштү.
Орбитасы барган сайын тарайып, тартылуу күчүнө туруштук бере албаган кеменин болжол менен 1 метрлик сфера формасындагы конуучу бөлүгү Жерге түшкөн акыркы бөлүк болду.
Эксперттердин айтымында, бул капсула титан менен капталган жана салмагы 495 килограммдан ашык.
Кеменин төмөндөп жаткан траекториясын байкап жаткан илимпоздор, аскердик жана башка адистер кеменин так качан жана кайсы жерге түшөрүн алдын ала белгилей алган жок. Күндүн активдүүлүгү жана космостук кеменин узак убакыт космосто болушунан улам бузулуу бул белгисиздикти күчөттү.
Ишемби күнү эртең менен АКШнын Космос командирлиги космостук кеменин жок болгонун ырастоо үчүн орбитадан келген маалыматтарды чогултуп жана анализдеп жаткан.
АКШнын космостук командирлиги ай сайын орбитага ондогон кирүү окуяларына көз салууда. Жетекчилердин оюу боюнча "Космос 482нин" өзгөчөлүгү жана өкмөт менен космостук байкоочулардын көңүлүн бурган нерсе, кеме орбитага кайра киргенде бузулбай калуу ыктымалынын жогору болушу эле.
