Америка Кошмо Штаттары израилдик аскердик юристтердин Газадагы геноцидге байланыштуу Израилге каршы согуш кылмыштары боюнча айыптоолорду колдой ала турган далилдердин бар экенине байланыштуу эскертүү бергенин көрсөткөн чалгындоо маалыматтарын чогултту. Бул маалымат Рейтер агенттигине маек курган АКШнын мурдагы беш жетекчиси тарабынан бөлүшүлдү жана аталган чабуулдар Американын курал-жарактар менен жасалган.
Өткөн жылы ортого чыккан жана буга чейин билдирилбеген бул чагныдоо маалыматы жогорку деңгээлдеги саясатчылар менен бөлүшүлгөн эң тынчсыздандыруучу маалыматтардын бири. Жетекчилер бул жагдайдын Израилдин колдонгон тактикасынын мыйзамдуулугуна байланыштуу ички шектенүүлөрдү ачыкка чыгарганын белгилешти.
Эки жетекчи бул маалыматтын АКШ өкмөтүнүн ичинде кеңири бөлүшүлгөнүн жана Байден администрациясынын акыркы жумаларында, 2024-жылдын декабрындагы конгресстин брифингинин алдында бөлүшүлгөнүн айтышты.
Бул билдирүүлөр Газадагы жарандардын өлүмүнүн көбөйүшү менен бирге Вашингтондо тынчсызданууларды жаратты. Айрым жетекчилер АКШнын Израилге берилген колдоосунун согуштук кылмыштары далилдене турган болсо Вашингтонду кылмышка шериктеш кылуудан кооптонушууда.
Бул чалгындоо маалыматы Улуттук коопсуздук кеңешинин жыйынына алып келди. Жетекчилер бул жыйында АКШ кандай жооп кайтарышы керектигин талкуулашты.
Израилдин согуш кылмыштарын жасаганы тууралуу далилдер АКШнын мыйзамдарына ылайык Вашингтондун курал-жарак жеткирүүсүн жана чалгындоо маалыматтарын бөлүшүүсүн токтотууну талап кылууда.
Коркунучтун белгиси
Америкалык жетекчилер юридикалык кооптонууларга карабастан, Израилдин атайылап жарандарды бутага алганы тууралуу түздөн-түз далилдердин жок белгилеп, колдоону улантуу чечимин кабыл алышты.
Айрым жогорку мартабалуу жетекчилер жардамды токтотуу ХАМАСты кайраттандырып, ок атышууну токтотуу боюнча сүйлөшүүлөрдү үзгүлтүккө учуратышы мүмкүн деген кооптонууларын билдиришти.
Мамлекеттик департаменттин юристтери бир нече ай мурун Мамлекеттик катчы Энтони Блинкенге Израилдин чабуулдары эл аралык гуманитардык укукту бузгандыгы жөнүндө эскертишкен.
2024-жылдын май айында Вашингтондон келген отчетто Израиль АКШда жасалган курал-жарактарды колдонуу менен эл аралык укукту "бузган болушу мүмкүн" деп айтылган, бирок эч кандай расмий жыйынтыктарды сунуштаган эмес.
Израиль Газада согуш кылмыштарын жасаган деген айыптоолорду жана Эл аралык кылмыш сотунун бул боюнча юрисдикциясын четке какты.
Сот Нетаньяхуну жана башка лидерлерди камакка алуу боюнча ордер чыгарган.
