Бириккен Улуттар Уюмунун (БУУ) Нөлдүк Калдыктар боюнча Жогорку деңгээлдеги консультативдик кеңешинин төрайымы жана Нөлдүк Калдыктар фондунун ардактуу жетекчиси Эмине Эрдогандын колдоосу астында, Нөлдүк Калдыктар фонду, Энергетика жана жаратылыш ресурстары министрлиги менен биргеликте ишке ашырылган Нөлдүк Калдыктар Фестивалы үчүнчү күнү уланды.

Нөлдүк Калдыктар Фондунун башчысы жана COP31 Жогорку деңгээлдеги климаттын чемпиону Самед Агырбаш «Ататүрк» аэропортунда өтүп жаткан жана TRT расмий коммуникациялык демөөрчүсү болгон фестиваль тууралуу билдирүүлөрдү жасап: «Фестивалга катышуучулардын саны бүгүн 400 000ден ашты, бүгүн кечинде 500 000ден ашат деп максат кылып жатабыз. Ошондой эле эртең көп адам катышат деп күтөбүз. Нөлдүк Калдыктар форумубузга 183 өлкөдөн катышуучулар бар; биз форумубузду да, фестивалыбызды да жакшы катышуу менен өткөрүп жатабыз»,-деди.

Агырбаш Эмине Эрдогандын колдоосу менен ишке ашырылган таштанды чыгарбоо демилгелери эл аралык коомчулуктун көңүлүн бурганын билдирип, «183 өлкөдөн келген адамдар Эмине Эрдогандын чакыруусу менен келишти. Министрлер, мурдагы мамлекет башчылары жана эл аралык уюмдардын өкүлдөрү Нөлдүк калдыктар форумунун алкагында дүйнөнүн келечегин талкуулап жатышат»,-деди.

«Бул Түркиядагы энергияга болгон муктаждыгын кайра жаралуучу булактардан канааттандырган биринчи фестиваль болду» 

Туруктуулук принциптери фестивалды уюштуруу процессинин негизи болгонун баса белгилеген Агырбаш сөзүн мындайча улантты:

«Биз «Нөлдүк калдыктар» фестивалын калдыктардан толугу менен тазаланган, өзгөртүлгөн жана бардык энергияга болгон муктаждыгын кайра жаралуучу энергия булактарынан канааттандырган фестиваль катары курдук. Бул Түркиядагы энергияга болгон муктаждыгын кайра жаралуучу булактардан канааттандырган биринчи фестиваль болду. Биз бул жерде бардык энергиябызды кайра жаралуучу энергия булактарынан алдык. Бул фестивалды Энергетика жана жаратылыш ресурстары министрлигибиз менен биргеликте өткөрдүк. Ушул контекстте мен аларга ыраазычылык билдирем жана ырахматымды айтым. Алардын Түркиянын энергетикалык трансформациясында маанилүү иштери бар».

Алар ошондой эле кайра жаралуучу энергия менен ишке ашырылган фестиваль моделин кеңейтүү үчүн иштеп жатышканын белгилеген Агырбаш «Нөлдүк калдыктар» фонду катары Түркияда да, дүйнөнүн ар кайсы аймактарында да консультациялык кызматтарды көрсөтөрүн жана ушул контекстте келечекте фестивалдарда кайра жаралуучу булактардан энергияга болгон муктаждыкты канааттандырууга үндөй турганын билдирди.

Агырбаш "Нөл калдыктар" фестивалында пайда болгон калдыктар жергиликтүү администрациялардын колдоосу менен жер-жерлерде бөлүнгөнүн, органикалык калдыктар органикалык жер семирткичке (компостко) айландырылганын, ал эми башка калдыктар жер-жерлерде бөлүнүп, кайра иштетүүчү жайларга жөнөтүлгөнүн билдирди.

ПЭТ бөтөлкөлөрү колдонулган жок, келгендерге термостор таратылды

Фестивалда ПЭТ бөтөлкөлөрү колдонулбаганын баса белгилеген Агырбаш: «Конокторго айнек термостор таратылды. Жарандарыбыз бул термостор менен сууга болгон муктаждыктарын канааттандырышты. Биз бул тажрыйбалар менен гана чектелбейбиз. Алдыдагы мезгилде жасай турган бардык иштерибизде бул системаны кеңейтүүнү максат кылабыз. Бул Түркия жана дүйнө үчүн үлгү болот деп үмүттөнөбүз», - деди.

Агырбаш 500дөн ашык кызыкдар тараптар менен «Нөлдүк калдыктар» фестивалын жана «Нөлдүк калдыктар» форумун уюштурганын кошумчалады..

Стамбулдагы нөлдүк калдыктар жумалыгы эртең аяктаарын эске салган Агырбаш: «Ушул контекстте биздин иш-чараларга 5 миллиондон ашык жараныбыз катышат. Стамбулдун 16 миллион тургуну жакшы синергияга жетишти. Биз бул синергиянын уланышын жана бул жерде башталган кыймылдын дүйнөнүн келечегине таасир этишин каалайбыз», - деди.