Түркиянын президенти Режеп Таййип Эрдоган Анкарада Сауд Арабиясынын тышкы иштер министри Фейсал бин Фархан аль-Сауд менен жолугушту.
Шаршемби күнү Президенттик комплексте жабык эшик артында өткөн жыйындын алдында эки өлкөнүн тышкы иштер министрлери Түрк-Сауд координациялык кеңешинин үчүнчү жыйынына тең төрагалык кылышып, эки тараптуу мамилелерди жана Газа баш болгон аймактык маселелерди талкуулашты.
NSosyal баракчасында бөлүшүлгөн билдирүүсүндө Фидан жолугушуу эки өлкөнүн тиешелүү министрликтеринин жана мекемелеринин катышуусунда өткөнүн айтты.
Эки тараптуу мамилелерди чыңдоо
Фидан тараптар комитеттин соода, энергетика, коргонуу, билим берүү, маданият, туризм жана транспорт сыяктуу стратегиялык тармактардагы ишин карап чыгып, эки тараптуу мамилелерге мекемелик алкакта баа бергендерин кабарлады.
Фидан ошондой эле жолугушууларда аймактык маселелер, айрыкча Газадагы кырдаал талкууланганын жана эки өлкө дипломатиялык жана атайын паспорт ээлери үчүн визасыз режим жөнүндө өз ара келишимге кол койгонун маалымдады.
Түркиянын тышкы иштер министри сауд кесиптешине жана аны коштоп жүргөн делегацияга сапары үчүн ыраазычылык билдирип, жетишилген келишимдер эки өлкөгө тең пайда алып келерин үмүт кылганын айтты.
