Соода министрлигинин билдирүүсүндө "Түрк мамлекеттери уюму ТМУга мүчө мамлекеттердин өкмөттөрүнүн ортосундагы санариптик экономика боюнча өнөктөштүк келишимин бекитүү жөнүндө мыйзам" Расмий гезитте жарыяланганы айтылды.

Ушундайча Түркия Азербайжан менен Өзбекстандан кийин келишимге байланыштуу ички ратификациялоо процессин аяктаган үчүнчү өлкө экени жана Кыргызстан менен Казакстан да ички ратификациялоолорун аяктагандан кийин күчүнө кирери билдирилди.

Билдирүүдө келишимдин чоо-жайы жөнүндө маалымат берилип: "Келишим менен ТМУга мүчө мамлекеттердин ортосундагы электрондук коммерцияга, санариптик кызматтарга жана чек аралар аралык маалыматтарга негизделген экономикалык иш-аракеттерге тоскоолдуктар алынып салынат, ошондой эле бул иш-аракеттерди жеңилдетет жана жалпы эрежелерди белгилейт, ушундайча санариптик экономикада интеграцияланган жана алдын ала айтууга боло турган кызматташтык алкагын түзөт", - делди.

Ошондой эле билдирүүдө Түрк дүйнөсүндө коммерциялык жана технологиялык интеграциянын күчтөндүрүлүшү, бизнестин санариптик рынокторго жетүүсүн жеңилдетүү үчүн инновациялык технологияларды колдонуунун кубатталышы жана аймактык атаандаштыкка жөндөмдүүлүктүн жогорулатылышы камсыздала тургандыгы баса белгиленди.