Адвокаты Ваннафат Женрумжит Пол Чемберстин айыптоолорду четке каккандыгын белгилеп : “Кенен түрдө изилдеп чыгуубуз керек бирок ал бул кылмышты кылбагандыгын айтты жана мыйзамдын аны коргой тургандыгына ишенем”,- деди.
Таиланддын королу Маха Важиралонгкорн жана үй-бүлөсү "лес-мажесте" мыйзамы тууралуу сындарга карата коргоого алынган. Бул мыйзамга карата терс болгон ар бир кылмыштын 15 жылга чейин эркинен ажыратуу жазасы каралган.
Таиланд армиясы бул жылдын башында Чемберске каршы талкууга байланыштуу экендиги ортого салынган бир жазуудан улам арыз берди. Түндүктөгү Наресуан университетинде сабак берген Чемберс өткөн жумада айыптоо тууралуу маалымат алды жана шейшемби күнү түндүктөгү Пхитсанулок штатындагы бир полиция пунктуна чакырылды.
АКШ : “Тынчсыздануудабыз”
АКШнын Мамлекеттик департаменти берген билдирүүсүндө Чемберстин камалышынан "тынчсыздангандарын" белгилеп: "АКШнын чет өлкөдөгү жарандарына жардам берүү үчүн жоопкерчилигибизди олуттуу түрдө колго алабыз",- деди.
Билдирүүдө : “Бул окуя Таиланддагы "лес-мажесте" мыйзамдарынын колдонулушуна байланыштуу көптөн бери айтылып келе жаткан тынчсызданууларыбызды бекемдеп жатат. Таиланддык жетекчилерге карата сөз эркиндигине сый көрсөтүү чакыруубузду кайталайбыз" - деп айтылды.
Чемберс өткөн жумада журналисттерге берген билдирүүсүндө болгон бул окуянын өзүн “коркуткандыгын” бирок АКШ элчилиги жана университеттеги кесиптештери тарабынан колдоо алынып жаткандыгын айткан.
Мыйзам сындарга кабылды
Таиландда королдук акаарат мыйзамынын негизиндеги айыптоолордо акыркы жылдары олуттуу көбкөйүү болуп, адам укуктарын коргоочулары бул мыйзамдын оппозициячылдарды токтотуу үчүн колдонулгандыгын жакташууда.
Таиланддагы Адам укуктары боюнча юристтер биримдиги (TLHR) чет эл жаранынын бул мыйзам менен айыпталышынын “сейрек” кездешкендигин белгилеп, эл аралык байкоочулар да өзгөчө окумуштуулар, активисттер жана студенттерге карата кысымдын күчөшүнөн тынчсызданууда.
Өткөн жылы Таиланддын түндүгүндө бир адам бул мыйзамдан улам кеминде 50 жылга эркинен ажыратылган. 2021 - жылы бир аял 43 жыл абак жазасына тартылган. 2023 - жылы да бир адам резина өрдөк түшүрүлгөн сатиралык календарь сатуу менен королго акаарат кылды деген негиз менен эки жылга кесилген.
