Кытай жарандарын Японияга саякаттабоону сунуштады. Бул Япониянын жаңы премьер-министринин Тайванга карата ыктымалдуу кол салуу боюнча билдирүүлөрү дипломатиялык чыңалууну күчөттү.
Кризис премьер-министр Санаэ Такаичинин 7-ноябрдагы билдирүүлөрүнөн кийин башталды. Билдирүүлөр Кытайдын эгемендигин талап кылган жана Япониянын эң жакын аралынан 100 чакырым алыстыкта жайгашкан өзүн-өзү башкаруучу арал Тайванга карата кол салуунун Токионун аскердик кийлигишүүсүнө алып келиши мүмкүн деп чечмеленген.
Пекин жума күнү расмий айыптоо билдирүү үчүн Япониянын элчисин чакыртканын жарыялады.
Токио болсо жооп катары Кытайдын элчисин “ылайык эмес” деп мүнөздөгөн жана кийинчерээк өчүрүлгөн онлайн билдирүү үчүн чакырды.
Япония Тайванга карата позициясынын өзгөрбөгөнүн билдирүүдө.
Жума күнү кечинде Токиодогу Кытай элчилиги онлайн эскертүү жарыялап, кытай жарандарын саякат пландарын кайра карап чыгууга чакырды.
Элчиликтин расмий WeChat аккаунтунда төмөнкүдөй билдирүү жасалды: "Акыркы мезгилде Япониянын лидерлери Тайванга байланыштуу ачыктан-ачык чагымчыл билдирүүлөрдү жасашты жана бул абал элдер аралык карым - катнаштардын атмосферасына олуттуу зыян келтирди."
Билдирүүдө бул кырдаалдын "Япониядагы кытай жарандарынын жеке коопсуздугуна жана өмүрүнө олуттуу коркунуч келтирери" эскертилди.
“Тышкы иштер министрлиги менен Япониядагы Кытай элчилиги жана консулдуктары Кытай жарандарын жакынкы аралыкта Японияга баруудан алыс болууга чакырат",- деп айтылды билдрүүдө.
Пекин 1945-жылга чейин Япониянын оккупациясында болгон Тайванды өз жерлеринин бир бөлүгү деп эсептейт жана аралды күч менен басып алуу мүмкүнчүлүгүн жокко чыгарган жок.
