Чемпиондор лигасын биринчи жолу жеңген Пари Сен-Жермен (ПСЖ) Милан Интерди 5:0 тарыхий эсебинде утуп алды.

Жаш футболчу Дезир Дуу ишемби күнү Allianz Arena стадионунда ПСЖ үчүн эки жолу гол киргизип, Ашраф Хакими биринчи голдун пасын чыгарып берди. Андан кийин Хвича Кварацхелия эки гол менен эсепти 4:0 кылып, 19 жаштагы Сенни Майулу акыркы гол менен эсепти толуктады.

ПСЖ буга чейин эки жолу финалга чыккан, ал эми Интер үч жолу УЕФА Кубогуна ээ болуп, акыркысын 2010-жылы жеңген.

2020-жылы Бавария менен финалдык беттеште утулуп калган ПСЖ бул сезондо тайпалык баскычтан чыгуунун босогосунан кайтып келип акыры көптөн бери эңсеп келген кубокту жеңип алды.

Жеңиштен кийин Франциянын президенти Эммануэль Макрон ПСЖны куттуктап: «Бүгүн кечинде Париж Европанын борбору экенин сездирди»,-деди. Ал эми социалдык тармактагы X платформасында болсо «ПСЖнын жеңиш күнү. Азаматтар, биз баарыбыз сыймыктанабыз», - деп жазды.

Президенттик аппарат да жеңишти майрамдоо үчүн жекшемби күнү команданы кабыл ала турганын билдирди.