Украинада согуш бүтсө деле орусиялыктар Кышкы Олимпиада оюндарында өз өлкөсүн өкүлдүк кыла алышпайт

Эл аралык Олимпиада комитетинин башчысы Кирсти Ковентри италиялык гезитке берген маегинде, Украина менен тынчтык келишимине жетишилсе деле орусиялык спортчулар Милано-Кортина Кышкы Олимпиада оюндарында өз өлкөсүн өкүлдүк кыла албай турганын айтты.

Жума күнү Corriere della Sera басылмасында жарыяланган маегинде Ковентри бул этапта эч нерсе Комитеттин орусиялык спортчулардын февраль айындагы оюндарга жеке түрдө өкүлдүк кылуу менен гана катышуусуна уруксат берген чечимин өзгөртпөй турганын билдирди.

Эл аралык Олимпиада комитети сентябрда Милано–Кортина оюндарында орусиялык жана беларусиялык спортчулар улуттук желек же гимнсиз, жеке атлеттер катары мелдешерин жарыялаган.

ЭОКтун биринчи аял башчысы Ковентри башка билдирүүсүндө, Олимпиада оюндарын Италия кылгандай бир нече шаарда өткөрүү "жаңы нормалдуулукту" түзөрүн жана Милан-Кортина оюндары келечек үчүн пайдалуу жол көрсөткүч болорун айтты.

Эл аралык Олимпиада комитети Рейтердин Ковентринин билдирүүлөрүнүн тактыгын тастыктап-тастыктабагандыгы жөнүндөгү суроосуна жооп берген жок.

Милан-Кортина Олимпиада оюндары 6-22-февраль аралыгында өтөт.