16 саат мурун
Киевдин мэри Виталий Кличко Орусиянын Украинанын борборуна чабуулдарынан кеминде төрт адам каза болуп, он адам жаракат алганын кабарлады.
Мэр Кличко Telegram баракчасындагы билдирүүсүндө: "Борбордо төрт адам каза болду. Он адам жаракат алды. Алардын бешөөнү дарыгерлер ооруканага алып кетишти. Калгандарына окуя болгон жерде жардам көрсөтүлдү", - деп билдирди.
Орусия түнү бою Украинанын башка шаарларын да бутага алды. Чыгыштагы Харьковго кол салуу тууралуу маалыматтар азырынча тастыктала элек.
СУНУШТАЛАТ
Украинанын Аба күчтөрү болсо: "Киевге каршы душмандын чабуулчу дрондорунун комплекстүү кол салуусу жүрүп жатат!" деди.
Аба күчтөрү "бүткүл Украинанын" "ракета коркунучу" астында экенин жана орусиялык учактар учуп кеткенин ырастады.
