Палестинанын Кызыл Жарым Ай коомунун (PRCS) билдирүүсүнө караганда, жекшемби күнү Израиль армиясынын Газанын түштүгүндөгү бирикменин баш кеңсесине сокку уруусунан бир кызматкер каза таап, үчөө жарадар болду.

PRCS өзүнүн X платформасында "Палестиналык Кызыл Жарым Ай коомунун (PRCS) бир кызматкери каза болду, дагы үчөө жарадар болду жана Израил аскерлери бирикменин Хан Юнустагы баш кеңсесин бутага алганда имараттын биринчи кабатында өрт чыкты" деп жазды.

PRCS кол салуу имараттын биринчи кабатына болуп, өрт чыгып, олуттуу зыянга учураганын билдирди.

Кол салуу АКШнын өкүлү Стив Виткофф ачарчылыктан жана жокчулуктан каза болгондор көбөйүп жаткан Газадагы азык-түлүк жеткирүү аракеттерин текшерүү үчүн аймакка баргандан кийин болду.

Бириккен Улуттар Уюмунун Азык-түлүк жана айыл чарба уюмунун (ФАО) башкы директору Цю Донгю:“Газа азыр толук масштабдуу ачарчылыктын босогосунда турат. Эл ачкадан өлүп жатат, себеби тамак-аш жок эмес, жеткирүү жолдору тосулган, жергиликтүү айыл чарба системалары кыйраган жана үй-бүлөлөр эң жөнөкөй жашоо каражаттарын да камсыздай албай калышты,”-деп билдирди

Израиль армиясы 2023-жылдын 7-октябрынан бери Газага жасаган ырайымсыз чабуулунда 60300дөн ашуун палестиналыкты өлтүрдү.

Тынымсыз бомбалоолорго дуушар болгон аймак талкаланып, азык-түлүк тартыштыгына дуушар болууда.