Сирия жаңы жетекчиликтин алдында биринчи парламенттик шайлоосун 15-сентябрдан 20-сентябрга чейин өткөрүүнү пландап жатат.
Жогорку Шайлоо Комитетинин төарагсы Таха аль Ахмеддин SANA мамлекеттик маалымат агенттигине берген маалыматка караганда Жогорк Шайлоо Комитети ишемби күнү президент Ахмед Шараа менен жолугушуп, Сириядагы түрдүү коомдор менен өткөрүлгөн кеңешүүлөрдөн кийин убактылуу шайлоо мыйзамына киргизилген маанилүү өзгөртүүлөр тууралуу маалымат берди.
Аль Шараа шайлоонун Сириянын бардык провинцияларында өткөрүүнүн маанисин баса белгилеп, аймактык бөлүнүү идеясына каршы экенин айтты. Бул идеяны бардык сириялыктар четке кагат.
Аль Ахмед Сириянын президентинин согуш кылмышкерлерин колдогон же алар менен кызматташкан адамдар менен сектанттыкты же бөлүнүүнү козуткандардын шайлоо процессинен четтетилиши керектигин айтканын билдирди.
Билдирүүдө кайра каралган системага ылайык, Элдик Ассамблеядагы (парламенттеги) орундардын саны 150дөн 210го чыгарылары жана 2011-жылдагы эл каттоонун негизинде облустар боюнча орундардын бөлүштүрүлүшүнүн кеңейтилери айтылды. Президент ошондой эле 210 мүчөнүн 70ин дайындай алат.
Аль Ахмед убактылуу шайлоо системасы тууралуу президенттик жарлыкка кол койгондон кийин шайлоо комитетинин астыңкы комитеттерин түзүү үчүн бир жумага жакын убакытка муктаждыктын бар экенин жана бул комитеттердин шайлоо органдарын белгилөө үчүн 15 күн убактыларынын болорун билдирди.
Андан кийин кандидаттарды каттоо башталат жана талапкерлерге шайлоо өнөктүктөрүн даярдоого бир жума берилет. Бул процессте өнөктүктөр шайлоо органдары жана комитет мүчөлөрү менен ишке ашырыла турган талкуулар да кампаниянын программасында орун алат.
Шайлоонун 15-сентябрдан 20-сентябрга чейин өткөрүүнү күтүп жаткандарын ырастаган Аль Ахмед шайлоо комиссияларынын кеминде 20 пайызын аялдардын түзөрүн белгиледи.
Акыркы версия
Шайлоо процесси жарандык коом жана эл аралык уюмдар тарабынан байкоого ачык болот. Бул процессти Жогорку Шайлоо Комитети талапкерлердин тизмесине жана акыркы жыйынтыктарга каршы чыгуу укугуна кепилдик берерин билдирди.
Ишемби күнү кечинде Сирия президенттиги парламент үчүн убактылуу шайлоо мыйзамынын акыркы версиясын кабыл алганын ырастады.
13-июнда Аль Шараа Жогорку Шайлоо Комитетин түзүү боюнча жарлыкты жарыялады. . Башында парламенттик орундардын саны 150 деп белгиленген комитет кийинчерек 210го чыгарды.
Жарлыкка ылайык, комитет шайлоо органдарын түзүү милдетин аткарат. Бул органдар парламенттин үчтөн эки бөлүгүн шайлайт, ал эми калган үчтөн бир бөлүгүн президент дайындайт.
Орундар калктын санына жараша провинциялар арасында бөлүштүрүлөт жана коомдук лидерлер менен интеллектуалдар үчүн шайлоо округдарына бөлүнөт. Бул бөлүштүрүү комитет тарабынан белгиленген критерийлерге ылайык жүргүзүлөт.
