Дүйнөнүн эң ири медиа форумдарынын бири болгон TRT World Forum 31-октябрдан 1-ноябрга чейин Стамбулда 9-жолу өткөрүлөт. Иш-чарага ар кыл тармактагы баяндамачы жана адистердин кеңири чөйрөсү катышат.
Түркия радио жана телекөрсөтүү мекемеси (TRT) тарабынан уюштурулган бул форум дүйнөнүн ар тарабынан келген адистерди жана жогорку даражалуу өкүлдөрдү жолугуштурат.
“Глобалдык кайра түзүлүү: Эски тартиптен жаңы реалдуулуктарга” деген темада өтө турган форум, глобалдык туруксуздуктун күчөшүнө жана эл аралык коомчулуктун алдында турган актуалдуу көйгөйлөргө көңүл бурат.
Өткөн жылдарда миңдеген катышуучуну кабыл алган TRT World Forum жогорку деңгээлдеги саясатчылардын жана дипломаттардын кызыгуусун жараткан.
Быйылкы сессияларда Түркиянын коргонуу саясаты, Сирияны кайра куруу, көп уюлдуу дүйнөдө дипломатия жана башкаруу сыяктуу негизги эл аралык маселелер каралат.
Панелдерде ошондой эле геосаясат, коопсуздук, климат жана энергия, технология, медиа, эл аралык укук жана глобалдык экономикалык өзгөрүүлөр сыяктуу темалар талкууланат.
2017-жылдан бери форумга катышып келген Түркиянын президенти Режеп Таййип Эрдогандын быйыл да эл аралык көйгөйлөргө байланыштуу сөз сүйлөшү күтүлүүдө.
Форум диалогду илгерилетүү, чечим кабыл алуучуларды жолугуштуруу, глобалдык кризистерди жана өзгөрүү процесстерин башкаруу боюнча жаңы стратегиялык перспективаларды сунуштоону көздөйт.
TRT World Forum 2025 үчүн катталуу trtworldforum.com сайтында жүрүп жатат.
