АКШнын Ички коопсуздук министри Кристи Ноем бейшемби күнү АКШ саякаттоого тыюу салууну 30дан ашык өлкөгө кеңейтүүнү карап жатканын билдирди. Эгерде ишке ашырылса бул чаралар Трамптын администрациясы чектөөлөрдү баштагандан берки эң кеңириси болот.

Ноем Fox News каналына берген маегинде "Мен так санын айтпайм, бирок 30дан ашык өлкө бар жана президент бул өлкөлөрдү баалоону улантууда", - деди. Ал эми саякат кылган жарандарын кылдат текшерүүгө мүмкүнчүлүгү жана "туруктуу" өкмөттөрү жок өлкөлөрдүн жарандарына АКШнын кирүүгө тыюу салбашы керектигин жактады.

Анын бул сөздөрү аптанын башындагы катуу билдирүүсүнөн кийин айтылды. Мурунку билдирүүсүндө Ноэм “өлкөнү киши өлтүргүчтөргө, акылсыздарга жана түбөлүккө артыкчылык издегендерге толтурган ар бир өлкөгө толук саякаттоого тыюу салууну" сунуштаган.

Вашингтондогу куралдуу кол салуу саякаттоого кеңири чектөөлөрдү киргизүү талабын күчөттү

Чектөөлөрдү кеңейтүү аракеттери президент Дональд Трамп 28-ноябрда "үчүнчү дүйнө өлкөлөрүнөн" иммиграцияны биротоло токтотуу жөнүндө эскерткенден кийин жасалды. Трамптын билдирүүсүнө 26-ноябрда Ак үйдүн жанында Улуттук гвардиянын бир кызматкери каза болуп, экинчиси жарадар болгон атышуу себеп болду.

АКШнын маалымат каражаттарынын кабарына караганда, 2021-жылы АКШнын Кабулдан эвакуациясы учурунда АКШга кирип, апрель айында башпаанек алган 29 жаштагы ооган жараны болгон шектүү мурда АКШнын бир нече мамлекеттик органдары, анын ичинде ЦРУ менен иштешкен.

Бул окуя Ооганстанга берилген визаларды жана башпаанек уруксаттарын дароо токтотууга алып келди. Ошондой эле коопсуздук текшерүүсүндөгү кемчиликтер, визанын мөөнөтү өтүп кеткен жогорку көрсөткүчтөр жана айрым өкмөттөрдүн депортацияланган жарандарды кабыл алуудан баш тартуусунан улам 19 өлкөдөн кирүүгө чектөө койгон июнь айындагы аткаруучу буйрукту кайра карап чыгууга түрткү болду.

Ресми өкүлдөрдүн айтымында, Ак үй азыр тизмени кеңейтүү керекпи деген маселени карап жатат.