Бириккен Улуттар Уюмунун Башкы Ассамблеясы палестиналыктардын өз тагдырын өзү чечүү укугун, анын ичинде көз карандысыз Палестина мамлекетин түзүү укугун дагы бир жолу ырастаган резолюция долбоорун көпчүлүк добуш менен кабыл алды.
Резолюция 164 мүчө мамлекеттин макулдугу менен кабыл алынды, ал эми сегиз өлкө - Израиль, АКШ, Микронезия, Аргентина, Парагвай, Папуа-Жаңы Гвинея, Палау жана Науру каршы добуш беришти.
Башкы Ассамблеянын "элдердин өз тагдырын өзү чечүү укугу" күн тартибинде кабыл алынган резолюцияда Палестина элинин өзүнүн саясий статусун эркин аныктоо, экономикалык, социалдык жана маданий өнүгүүсүн улантуу укугун тааныган БУУнун түпкү позициясы кайрадан баса белгиленди.
Текстте БУУнун Уставы жана эл аралык адам укуктары боюнча келишимдер менен бирге БУУнун мурунку резолюцияларына жана эл аралык укуктук документтерге шилтеме жасалып, өз тагдырын өзү чечүү укугу эл аралык укуктун негизги принциби болуп саналаары баса белгиленди.
Резолюцияда ошондой эле бардык мамлекеттер, БУУнун адистештирилген мекемелери жана БУУнун органдары бул укукту мүмкүн болушунча тезирээк ишке ашырууда Палестина элине колдоо жана жардам көрсөтүүнү улантууга чакырылды.
Өзгөчө Чыгыш Кудс да болгон оккупацияланган Палестина аймактарынын аймактык биримдигин, бүтүндүгүнө сый көрсөтүү зарылдыгы баса белгиленди. Резолюцияда эл аралык укуктун жана БУУнун тиешелүү резолюцияларынын алкагында адилеттүү, узак мөөнөттүү жана ар тараптуу тынчтыкты колдоо кайталанды.
