Түркия өлкөнүн жалпысында катмарлуу абадан коргонуу системасын түзүү максатында “Болот купол” коргонуу системасына инвестиция салууну пландоодо. Бул тууралуу Улуттук коргоо министрлигинин булактары бейшемби күнү маалымдашты.
“Биз биринчи кезекте абадан коргонуу системабызга - Болот куполго инвестиция салып катмарлуу абадан коргонуу системасын өлкөбүзгө жайылтууну пландап жатабыз”, — деп билдиришти министрликтин булактары.
Пландалган жаңыртуулар- гиперсоникалык, баллистикалык жана канаттуу ракета системаларына, учактарга, кемелерге, танктарга, учкучсуз кургактык, деңиз жана аба системаларына, жаңы муундагы учак конуучу кемелерге жана фрегаттарга инвестиция салууну камтыйт.
Министрликтин булактары ошондой эле Түркиянын НАТОнун коргонуу каржылоолору боюнча 2 пайыздык максатын ашканын баса белгилешти.
“НАТОнун экинчи чоң армиясына ээ болгон Түркия альянстын миссиялары менен операцияларына эң көп салым кошкон беш өлкөнүн катарына кирет”, — деп маалымдалды. Ошондой эле өлкөнүн бардык жөндөмдүүлүк максаттарына жеткенин, коргоо өнөр жайын өнүктүрүү жана изилдөө иштерине инвестиция салууну улантып жатканын кошумчалашты.
