АКШ менен Израиль Ирандын өзөктүк курал иштеп чыгууга канчалык жакын экендиги боюнча олуттуу пикир келишпестик ичинде. Шейшемби күнү басма сөздө орун алган кабарларга караганда АКШнын чалгындоо боюнча баа берүүлөрү Тегерандын бул максатка жетишине али көптөгөн жылдын бар экендигин тууралуу болсо Тель - Авив коркунучтун жакын экендигин айтууда.
CNNдин билдирүүсүнө ылайык, Израилдин премьер-министри Биньямин Нетаньяху Иран куралданууга карай тездик менен жылып жатканын айтып, Израилдин Ирандын өзөктүк жана аскердик инфраструктурасына бир катар чабуулдарды жасаганын белгиледи.
Бирок, бул маселеге жакын төрт булак CNNге АКШнын чалгындоо кызматынын Ирандын учурда өзөктүк бомба жасап жаткандыгына ишенбегенин жана бир бомба өндүрүп, жайгаштыруу үчүн кеминде 2 - 3 жылдын керектигин айтты.
Акыркы кол салуулар Натанз сыяктуу өзөктүк объектилерге зыян келтирди, бирок катуу кайтарылган Фордоу байытуу объектисине тийген жок. Коргоо боюнча эксперттердин айтымында, Фордоу объектисине зыян келтирүү үчүн Израилдин АКШнын айрым курал-жарактарына жана абадан колдоого муктаж.
"Израиль бул өзөктүк объектилердин үстүнөн учуп, аларды иштен чыгара алат, бирок эгер сиз аларды чындап демонтаждоону кааласаңар АКШнын аскердик кийлигишүүсү же келишим керек", - деди Бретт МакГурк.
Трамп чалгындоо маалыматтарына маани бербейт
Ар кандай баа берүүлөр Трамп администрациясы үчүн дилемма жаратты. Башкаруу кырдаалдын курчушуна жол бербөөгө аракет кылууда жана ыктымалдуу жооп кайтарууга даярданууда. Улуттук чалгындоо директору Тулси Габбар март айынын башында берген маалыматында чалгындоо коомунун Ирандын өзөктүк жасабаганына ишенгенин айткан.
Трамп Габбардын билдирүүсүн четке кагып:“Мен анын айтканына маани бербейм — менимче, алар абдан жакын эле болчу”, - деди.
Аймактагы чыңалуулар Израилдин жума күнү Ирандагы бир нече объекттерине, аскердик жана өзөктүк жайларга абадан сокку уруусу менен күч алды. Бул кол салуулар Тегеранды жооп кайтарууга мажбур кылды.
Израилдик жетекчилер Ирандын ракеталык чабуулдарынан бери кеминде 24 адамдын каза болгонун жана жүздөгөн адамдын жаракат алганын билдирди.
Иран болсо Израилдин чабуулунан бери кеминде 224 адам каза болуп, 1000ден ашуун адамдын жаракат алганын билдирди.
