Индиянын жогорку мартабалуу дипломаты Индиянын премьер - министри Нарендра Модинин шейшемби күнү кечки сааттарда АКШнын президенти Дональд Трамп менен өткөргөн сүйлөшүүдө май айында төрт күнгө созулган кагылышуудан кийи. Индия менен Пакистандын арасында түзүлгөн ок атышпоонун АКШнын ортомчулугу менен эмес эк армиянын ортосундагы сүйлөшүүлөр менен түзүлгөнүн жактаганын айтты.
Трамп өткөн айда жасаган билдирүүсүндө өзөктүк куралдарга ээ Түштүк Азиядагы коңшуларынын АКШнын ортомчулугунда өткөн сүйлөшүүлөрдөн кийин ок атышпоону кабыл алгандарын жана өлкөлөрдү согуштун ордуна соодага көңүл бурууга чакыргандан кийин кагылышуулардын токтогонун айткан.
Индиянын тышкы иштер министри Викрам Мысри өткөргөн пресс - жыйынында : “Премьер - министр Моди президент Трампкп бул убакыттын ичинде Индия - АКШ соода келишими же АКШнын Индия жана Пакистандын ортосунда ортомчулук кылуу сыяктуу темаларда эч кандай сөз болбогонун айтты”,- деди.
"Аскердик аракеттерди токтотуу боюнча сүйлөшүүлөр түздөн-түз Индия менен Пакистандын ортосунда аскердик каналдар аркылуу жана Пакистандын талабы боюнча өттү. Премьер-министр Моди Индиянын мурда ортомчулукту кабыл албаганын жана эч качан кабыл албай турганын баса белгиледи", - деп кошумчалады.
Мысринин айтымында, эки лидер телефон аркылуу сүйлөшүүнү Трамптын демилгеси менен Канадада өткөн G7 саммитинин алкагында жүргүзүшкөн. Моди бул саммитке конок катары катышкан. Сүйлөшүү 35 мүнөткө созулган.
Ак үй Моди менен Трамптын сүйлөшүүсү боюнча комментарий берүүгө дароо жооп берген жок.
Пакистан буга чейин ок атышпоонун армиясынын 7 - майда Индия армиясы баштаган бир чакырууга жооп беришинен кийин ишке ашкандыгын айткан.
