Тарыхый Айя-София мечити 2020-жылдын июль айында музейден мечитке айландырылгандан кийин беш жылдыгын белгилөөдө.
Түркиянын президенти Режеп Таййип Эрдоган бейшемби күнү X платформасында бул мааракеге арналган билдирүү бөлүштү. Ал мындай деп жазды: “Беш жыл мурун Айя-Софияда кайрадан азан чакырылды. Кудай буюрса, түбөлүк эркиндикте калат”.
Эрдогандын билдирүүсүндө Расмий гезитте жарыяланган жана Айя-Софияны Дин иштери башкармалыгына өткөрүп, ибадатка ачылышын камсыздаган Президенттиктин жарлыгы да орун алды.
Сыйынуучу жай жана туризмдин борбору
Айя-София Стамбул каратылганга чейин 916 жыл чиркөө катары кызмат кылган. Андан кийин 1453-жылдан 1934-жылга чейин болжол менен 500 жыл бою мечит катары колдонулган, ал эми акыркы 86 жыл бою музей катары кызмат кылган.
Президент Эрдоган жана башка түрк лидерлери Айя Софиянын кайрадан мечит катары колдонулушун жактап келишкен.
2020-жылдын 19-июлунда сот, Айя-Софияны музейге айландырган Министрлер кабинетинин 1934-жылдагы токтомун жокко чыгарган. Бул чечим мечит катары колдонууга жол ачкан.
2020-жылдын 24-июлунда Айя-София мечитинде 86 жылдан кийин биринчи жолу жума намазы окулду.
Мечит болуу менен бирге Айя-София Түркиянын эң маанилүү туристтик багыттарынын бири болуп, жергиликтүү жана чет элдик зыяратчыларга ачык бойдон калууда.
1985-жылы Айя-София ЮНЕСКОнун Дүйнөлүк мурастар тизмесине киргизилген.
