Президент Режеп Таййип Эрдоган ПККнын бир группа террористинин куралдарын таштоосунан кийин террордон тазаланган Түркия жолунда ташталган маанилүү кадамдардын “жакшылыктарга себеп болушун” каалагандыгын айтты.
Эрдоган жума күнү Х платформасынан берген билдирүүсүндө : “Өлкөбүздүн коопсуздугу, элибиздин тынчтыгы жана аймагыбызда туруктуу тынчтыкты орнотуу үчүн басып өткөн бул жолубузда Жараткан Аллах максаттарыбызга жетүүнү бизге насип кылсын", - деди.
ПККнын бир группа террористти Ирактын түндүгүндөгү Сүлеймание облусунда куралдарын таштап жок кылышты.
Террордук уюм таркатылды
Араларында 15 аял да болгон бир группа террорист куралдарын чоң бир казандын ичинде өрттөп жок кылды.
Май айында террордук уюм таркоо жана куралдарды таштоо чечимин чыгарды. Бул билдирүү февраль айында ПККнын абактагы башчысы Абдуллах Өжаландын уюмдун жана бардык топторунун таркатылышын жана 40 жылдан ашуун убакыттан бери уланып келе жаткан куралдуу күрөштүн акырына чыгышын талап кылган бир билдрүүсүнөн кийин жасалды.
АКШ жана Европа Биримдиги тарабынан террордук уюм катары кабыл алынган ПКК акыркы 40 жылдан бери террордук аракеттери менен араларында аялдар, балдар, ымыркайлар жана карылар да болгон 40 миңден ашуун кишинин өлүмүнө себепкер болду.
