Түркиянын Тышкы иштер министри Хакан Фидан Түркия менен түрк дүйнөсүнүн ортосундагы мамилени алсыратууга карата жасалган аракеттердин ийгиликсиз аяктай тургандыгын эскертти.
Бейшемби күнү Анкарада Норвегиянын тышкы иштер министри Эспен Барт Эйде менен өткөргөн биргелешкен маалымат жыйынында сөз сүйлөгөн Фидан: “Биз менен түрк дүйнөсүнүн ортосуна жарака кетирүүнү каалагандардын манипуляциялары ийгиликтүү боло албайт”, - деди.
“Түрк дүйнөсү кипрдык түрктөрдүн жанында болууну улантат. Бул тууралуу саясаттарыбызды сабырдуулук менен улантабыз”,- деп кошумчалады Фидан.
Газа маселесине да токтолгон Фидан 50 күндөн ашык убакыттан бери гуманитардык жардамдардын Газага киргизилбей жатканын белгилеп, ачарчылыкты курал же жазалоо ыкмасы катары колдонууга болбой тургандыгын айтты.
Норвегиянын Тышкы иштер министри Эспен Барт Эйде Газада тууралуу “үнсүздүктөн” тынчсыздангандыгын билдирип, көптөгөн Батыш өлкөлөрүнүн так позицияда турбоо менен ката кетирип жаткандыгын айтты.
100 жылдык дипломатиялык карым - катнаштар
Фидан 2026-жылы Түркия менен Норвегиянын ортосундагы дипломатиялык карым - катнаштардын 100 жылдыгы болорун жарыялап, эки тараптуу карым - катнаштарды тереңдетүүдө чечкиндүү экендерин билдирди.
Кызматташууну күчөтүү аракеттерине токтолгон министр эки тараптуу сооданын 1 миллиард доллардан ашканын жана эки өлкөнүн бул көрсөткүчтү көбөйтүү үчүн тынымсыз иштеп жаткандыгын белгиледи. Деңиз транспорту экономикалык кызматташтыктын негизги багыты экендигин, түрк кемелеринин Норвегиянын кемелер куруучу заводдорунда курулуп жаткандыгын айтты.
Министр коргонуу өнөр жайындагы кызматташтыктын өсүп жатканын баса белгилеп, эки өлкөнүн компанияларын жаңы өнөктөштүктөрдү түзүүгө чакырды. Энергетика секторундагы пайдаланылбаган мүмкүнчүлүктөргө көңүл буруп, Түркиянын Норвегиядан ПКК жана ФЕТО террордук уюмдарына каршы күрөшүү боюнча колдоо күтүп жатканын кайталады.
