Ортомчу Катар өз ара чабуулдардын кайра башталышынан кийин АКШ менен Иранды сүйлөшүүлөргө кайтууга чакырды.

АКШ жекшемби күнү Ормуз кысыгындагы Иран аралына чабуулдарды баштады; Тегеран Жакынкы Чыгыштагы АКШнын аскердик буталарына кол салуу менен тез арада жооп кайтарды.

Алты айга созулган согуштан кийин тараптар туңгуюкка кептелишти; Иран стратегиялык Ормуз кысыгындагы жол кыймылын блокадалоо менен үзгүлтүккө учуратууда, ал эми АКШ Иран портторуна каршы блокадага алууну улантууда.

Катардын тышкы иштер министринин катчысы Мажид аль - Ансари шейшемби күнү өткөргөн пресс - жыйынында : “Маселени чечпестен калтыруунун жана кысыктын жабылышын нормалдаштырууга аракет кылуу чыңалууну күчөтө тургандыгын алгачкы күндөн бери айтып жатабыз. Бул акыркы эки күндө күбө болгон нерсе. Тараптарды акылга сыярлык мамиле жасоого жана сүйлөшүү жолуна кайтууга чакырабыз; ортомчу өнөктөштөрүбүз менен бирге бул жолго кайтууну камсыз кылуу үчүн аракеттерибизди улантуудабыз», — деп билдирди.

Сүйлөшүүлөр уланууда

Шейшемби күнү эртең менен Ирандын президенти Масуд Пезешкиан эгер АКШ согушту токтотууга багытталган июндагы келишимге кайтып келсе, Тегерандын буга «деаоо» жооп кайтаарын айтты.

Аль-Ансари: «Бүгүн Катарда, аймакта жана дүйнөдө учурдагы кырдаалдыөзгөрүүсүз кабыл алуу мүмкүнчүлүгүбүз жок. Ортомчулук кылып жаткан өнөктөштөрүбүз менен — Пакистанда болобу же Оманда болобу — сүйлөшүүлөр уланууда», — деди.

Катардын премьер-министри шейх Мухаммед бин Абдуррахман Аль Тани стратегиялык кысыкка чектеш болгон Иран менен Омандын убактылуу деңиз коридорун түзүү жана миналарды тазалоо маселесин талкуулап жатышканын жарыялагандан кийин, өткөн жумада ортомчулук аракеттеринин алкагында Тегеранга барды.