Түркиянын президенттигинин коммуникация башкармалыгынын төрагасы Фахреттин Алтундун билдиргенине караганда президент Режеп Таййип Эрдоган Түрк Мамлекеттер Уюмунун (ТМУ) түрк мамлекеттеринин арасындагы кызматташууну бекемдөөнү максат кылган бейрасмий саммитине катышуу үчүн шаршемби күнү Будапештке барат.
«Чыгыш менен Батыштын жолугушуу жери» деген темадагы саммит 2025-жылдын 20-21-майында Венгриянын борбор шаары Будапештте өткөрүлөт.
Лидерлер ТМУнун институционалдык түзүмүн чыңдоодогу прогрессти карап чыгып, Будапешт декларациясы менен бирге маанилүү чечимдерди кабыл алышы күтүлүүдө.
Президент Эрдоган саммиттин алкагында өткөрүлө турган Мамлекет башчыларынын кеңешинин жыйынына да катышат.
Түрк Мамлекеттер Уюму
Алтун шейшемби күнкү билдирүүсүндө Эрдогандын саммитке келген көптөгөн лидерлер менен эки тараптуу сүйлөшүүлөрдү өткөрөрүн белгилеп, Түркиянын түрк дүйнөсү менен карым – катнаштарын тереңдетүүдө чечкиндүү экендигин баса белгиледи.
Түрк Мамлекеттер Уюмунун толук кандуу мүчөлөрүнүн арасына Түркия, Азербайжан, Казакстан жана Кыргызстан кирет. Венгрия, Түркмөнстан жана Түндүк Кипр Түрк Республикасы байкоочу статусуна ээ.
Венгриянын бул саммитти өткөрүшү Чыгыш менен Батыштын таасир чөйрөлөрүн түрк кызматташтыгы аркылуу бириктирүүгө болгон аймактык кызыгуунун өсүп жаткандыгын чагылдырууда.
Бул жыйын аймактык жана геосаясий баш аламандыктар күчөгөн учурга туш келип, мүчө жана байкоочу мамлекеттерге маданий, тарыхый жана стратегиялык байланыштарга негизделген жалпы максаттарды жана биримдикти ырастоо мүмкүнчүлүгүн берет.
