Пакистанда беш кабаттуу имараттын кулашы менен каза болгондордун саны 14кө эетти. Куткаруу операциясы экинчи күнү да улантылууда.

Карачинин Ляри аймагында жайгашкан имарат жума күнү эрте менен саат 10:00 чамаларында кулады.

Окуя болгон жерде мамлекеттик 1122 куткаруу линиясынын башкаруучусу Абид Жалалуддин Шайх Франс Пресс агенттигине куткаруу жана сөөктөрдү чыгаруу операциясынын түнү менен жа жүргүзүлгөндүгүн, иштин дагы 8-12 саатка созулушу мүмкүн экенин айтты.

Карачидеги бир ооруканада сөөктөр кабыл алынган жердеги полиция кызматкери Суммайя Сайед Франс Пресс агенттигине маалымат берип, ишемби күнү эртең менен каза болгондордун саны 14кө жеткенин, алардын жарымы аялдар экенин, ал эми 13 адамдын жаракат алганын айтты.

Жогорку мартабалуу полиция кызматкери Ариф Азиз Франс Пресс агенттигине берген билдирүүсүндө имаратта 100гө жакын кишинин жашаганын маалымдады.

Имараттын 70 жаштагы тургуну Джумхо Махешвари эрте менен жумушуна баратканда үй - бүлөсүнүн алты мүчөсүнүн биринчи кабаттагы батиринде болгонун айтты.

"Эми менин эч нерсем калган жок – үй-бүлөм уранды астында калды жана алардын куткарылышы үчүн дуба кылып жатам”,- деди.

Башка бир тургун Майя Шам Жи бир тууганынын үй-бүлөсү да урандылардын астында калганын айтты.

"Бул биз үчүн чоң трагедия," - деди.

"Эч нерсе кыла албайбыз. Бир гана куткаруу топторунун коопсуз түрдө жакындарыбызды куткарышын күтүп жатабыз”.

Ал учурда имараттын тышында болгон 30 жаштагы тургун Шанкар Камхо ичкериде 30га жакын үй - бүлөнүн жашаганын айтты.

Жубайынын өзүнө телефон чалып имаратта жаракалардын чыкканын айтканын белгиледи.

"Мен ага дароо чыгып кетүүнү айттым," - деди Камхо.

"Ал коңшуларды эскертүү үчүн барды, бирок коңшу аял ага 'бул имарат дагы 10 жыл чыдайт' деп айтты," - деди.

Камхо ошентсе да аялы менен кызынын имараттан чыкканын, андан 20 минутадан кийин имараттын кулаганын айтты.