Израилдин чалгындоо мекемеси Моссад үчүн тыңчылык кылуу менен  айыпталган эки киши Улуттук чалгындоо уюму (MIT), Стамбул Башкы прокуратурасы жана Стамбул полициясынын биргелешкен операциясында кармалды.

 Жетекчилер шектүүлөрдүн бири түздөн түз Моссадга иштеген Серкан Чичек экендигин белгилешти.  Адвокат Тугрулхан Диптин агенттик менен байланышы бар детективдерге маалымат саткандыгы ачыкка чыкты.

 Прокурорлор тарабынан суракка алынгандан кийин эки шектүү  “саясий же аскердик тыңчылык үчүн мамлекеттик жашыруун маалыматтарды алган” деген кылмыш иши боюнча Тынчтык сотуна жөнөтүлүп, жыйынтыгында камакка алынган.

 Жетекчилер Мухаммед Фатих Келеш деген ат менен да билинген Чичектин жеке детективдик агенттикти иштеткенин жана Моссад агентинин талабы боюнча Стамбулда палестиналык активистти аңдып, бул иш үчүн 4000 долларлык криптовалюта алганын билдирди.

Кабарларга караганда, Дип каржылык пайда алуу жана Чичек менен башка тыңчыларга колдоо көрсөтүү үчүн детективдерге мамлекеттик каттоолордон жеке маалыматтарды берип турган. Чичектин мурда Израилдин пайдасына тыңчылык кылганы үчүн 19 жылга кесилген Муса Куш менен иштешкени да белгилүү болду.