Украина президенти Владимир Зеленский Орусияда Пермь аймагындагы мунай иштетүүчү заводго жана Мариновка аскердик аэродромуна чабуулдарды жасаганын жарыялады.
Зеленский социалдык медиа аккаунтунда Орусиядагы ар кандай буталарга чабуулдарды улантып жаткандарын маалымдады.
Украина чек арасынан 1600 чакырымдан ашык алыстыкта жайгашкан Пермь мунай иштетүүчү завод бүгүн кечинде бутага алынганын айткан Зеленский: "Волгоград облусундагы Мариновка аскердик аэродромуна алыс аралыктуу абадан сокку урулду. Кара деңизде да натыйжаларга жетишилди", - деди.
Зеленский ошондой эле Краснодар аймагындагы орус аскерлери тарабынан Украинага каршы чабуулдарда колдонулган дрондорду учуруу жана сактоо үчүн колдонулган жерге сокку урулганын кабарлады.
Ал ошондой эле жакында эле Украинадан болжол менен 600 чакырым алыстыкта жайгашкан Орусиянын Астрахань облусундагы Ахтубинск аскердик аэродромуна чабуул жасалганын жана бул жерде "Су-34" согуштук учагы зыян тартканы тууралуу маалымат алынганын баса белгиледи.
