Яннис Маринос грек To Vima гезитиндеги макаласында Түркиянын потенциалын жана стратегиялык кадамдарын белгилеп, анын аймактык күчкө айланганына көңүлдөрдү бурган.
Макалада Түркиянын аймактагы бир да өлкө көз жаздымда калтыра албай турган потенциалга ээ экени айтылган.
"Номиналдык ички дүң продукциясы быйыл 1,6 триллион долларга жетиши күтүлүүдө, бул деңгээл Түркияны Жакынкы Чыгыштагы эң ири экономикага айлантат.
2025-жылга карата жалпы соода жүгүртүүсү 635 миллиард долларга жеткен Түркиянын экспортунда эң чоң үлүштү 41,5 пайыз менен Европа Биримдиги өлкөлөрү ээлесе, Жакынкы жана Ортоңку Чыгыш өлкөлөрү 17 пайыздык үлүшкө ээ болду".
НАТОнун экинчи ири армиясы жана коргонуу өнөр жайы боюнча демилгелери
Маринос Түркиянын аскердик мүмкүнчүлүктөрүнө карата кенен орун берди
Түрк куралдуу күчтөрү НАТОнун ичинде АКШдан кийинки экинчи ири армияга ээ экени белгиленди. Түркиянын коргонуу өнөр жайындагы акыркы жетишкендиктерге да көңүл бурулду.
Макалада өткөн жылы экспорту 10 миллиард долларга жеткен бул тармак акыркы беш жылда экспортун үч эсеге көбөйтүү менен чоң өсүшкө жетишкени билдирилди.
Коңшу өлкөлөр менен түзүлгөн көп кырдуу дипломатия
Макалада Түркиянын коңшулары жана аймактык өлкөлөр менен дипломатиялык аракеттери кеңири баяндалган. Сирияда жаңы администрациянын маанилүү өнөктөш экендиги айтылды. Катар менен салттуу союздаштык улантылууда, Сауд Арабиясы жана Бириккен Араб Эмирликтери менен жакындашуу инвестициялар аркылуу экономикага түздөн-түз таасирин тийгизгени баса белгиленди.
Ирак жана Эрбил администрациясы менен түзүлгөн келишимдер аймактык мунай ташуу үчүн маанилүү транзиттик жолду түздү.
Иран менен болгон карым - катнаштар 560 чакырымдык жалпы чек арага карабастан, аймактык атаандаштык шартында тең салмактуулукту жана өз ара ишенимди сактап келгени белгиленди.
