Россия Украина кризисин чечүүгө багытталган Түркиянын демилгелерин кылдаттык менен карап жатканын билдирди.
Россиянын Тышкы иштер министрлигинин басма сөз катчысы Мария Захарова жазуу жүзүндөгү билдирүүсүндө Түркиянын Тышкы иштер министри Хакан Фидандын "Россия менен Украинага Кара деңиздеги аскердик аракеттерге мораторий киргизүү" сунушуна баа берди.
Россиянын өзгөчө маанилүү аймактык актер жана Кара деңиздеги коңшу өлкө Түркиядан келген тынчтык демилгелерин салттуу түрдө кылдаттык менен карап жаткандарын баса белгилеген Захарова: "Орус тарап бул демилгенин шарттарын "конкреттештире турган" расмий каналдар аркылуу Түркиянын арызын алган жок", - деди.
Захарова Москванын Кара деңиздеги аскердик иш-аракеттерин токтоткон "Кара деңиз демилгесине" кайтып келүүсүн ылайыктуу деп эсептебей турганын белгилеп:"Келишимдин аткарылышынын шарты - экинчи тарап да ушундай эле каршы чараларды көрүшү керек эле, бирок алар ишке ашкан жок,- деп баа берди.
Захарова, Украинанын куралдуу күчтөрүнө таандык дрондордун Кара деңизге чектеш өлкөлөрдүн жарандык кемелерине карата үзгүлтүксүз "террордук актыларды" жасап жатканын билдирип, бул чабуулдарды Кара деңиз аймагындагы жарандык деңиз транспортун туруксуздаштырууга багытталган атайылап жүргүзүлгөн саясат катары баа бергенин баса белгиледи.
Захарова Украина кризисин чечүү кризистин түпкү себептери жок кылынганда гана мүмкүн экенин билдирди.
Россиянын тышкы иштер министри Сергей Лавров Мамлекеттик телерадиоберүү корпорациясына берген маегинде Түркиянын чынында Кара деңиздин туруктуулугун колдой турганын айтып, Анкаранын Кара деңиздеги кемелерге кол салууну алдын алуу боюнча келишимге жетишүү зарылдыгын жарыялаганын эске салды.
