Түркия Республикасынын Ички иштер министрлигинин (AFAD) Апаат жана чукул кырдаалдарды башкаруу боюнча башкармалыгы Жер Ортолук деңизинде 5,8 баллдык жер титирөө болгонун кабарлады.

Түркиянын түштүк-батышындагы Мугла облусунун Мармарис районунун жээгинен 10,43 километр алыстыкта ​​катталган жер титирөөнүн 67,91 километр тереңдикте болгону жарыяланды.

Мугла облусунун губернатору Идрис Акбыйык кырдаалды текшерүү иштери жүрүп жатканын маалымдады.

Акбыйык X платформасында ушул убакка чейин эч кандай «терс» абал билдирилбегенин жана олуттуу зыян тууралуу маалымат жок экенин кабарлады.