Эрдоган Путинге Түркиянын Иранга карата кол салууларына каршы экенин айтты
Режеп Таййип Эрдоган Владимир Путин менен өткөргөн телефон аркылуу сүйлөшүүсүндө Израилдин саясатын сынга алып, Кара деңизде күч алган чыңалуунун аймактык туруктуулукка коркунуч туудурганын баса белгиледи.
Президент Режеп Таййип Эрдоган Россиянын президенти Владимир Путин менен телефон аркылуу сүйлөшүүсүндө Түркия Иранга каршы кол салууларды жактырбай турганын жана Ирандын аймактык өлкөлөргө каршы жооп кайтаруу аракеттерин колдобой турганын билдирди.
Дипломатиялык булактардын маалыматы боюнча, эки лидер эки тараптуу карым - катнаштарды, ошондой эле аймактык жана глобалдык абалдарды талкуулашты.
Эрдоган Кара деңиздеги жарандык кемелерге кол салуулар аймактык туруктуулукту бузаарын айтып, Ирандан келип чыккан чыңалуунун Россия менен Украинанын ортосундагы жаңы кризиске айланбашы керектигин баса белгиледи.
Президент Эрдоган ошондой эле премьер-министр Биньямин Нетаньяхунун жетекчилиги астындагы Израиль өкмөтүнүн саясатын сынга алып, бул мамилени алдын алуу керектигин жана Иерусалимдин статусун төмөндөтүүчү кадамдардын кабыл алынгыс экенин билдирди.