Украинанын Өзгөчө кырдаалдар боюнча мамлекеттик кызматы орус армиясынын түнкү аба соккусунан 8 адам каза болуп, 22 адам жаракат алганын кабарлады.
Мамлекеттик кызматтын жазуу түрүндөгү билдирүүсүндө орус армиясы борбор калаа Киевге түнү аба соккусун жасаганы тууралуу маалымат бөлүшүлдү.
Кол салуунун натыйжасында 2 адам каза болуп, 8 адам жаракат алганы айтылган билдирүүдө "Түнкү бомбалоонун натыйжасында Киевде 50дөн ашык жарандык объектилер жабыркады. Алардын арасында турак жайлар, почта бөлүмдөрү, төрөт үйү жана текстиль фабрикасы бар" деп кошумчаланды.
Билдирүүдө ошондой эле Харьков облусундагы фермага кол салуудан 6 адам каза болуп, 12 адам жаракат алганы маалымдалды.
Одесса облусуна кол салуудан болсо 2 адам жаракат алганы айтылды.
Украинанын Аскер-аба күчтөрүнүн командачылыгы ошондой эле ар кандай типтеги 7 ракета жана 220 учкучсуз учуучу аппарат жок кылынганын жарыялады.
