Түркия ишемби күнү борбор шаар Анкарада бир учак кырсыгында каза болгон жана араларында Ливиянын башкы штабынын төрагасы армиянын генералы Мухаммед Али Ел - Хаддад да болгон ливиялык аскердик делегация мүчөлөрүнүн сөөгүн Ливияга жиберер алдында жаназа зыйнатын өткөрдү.
Ливиянын аскердик делегациясын ташыган жеке учак 23-декабрда Анкарада кулап, араларында делегациянын беш мүчөсү жана үч экипаж да болгон сегиз кишинин баары каза болду.
Жаназа зыйнаты Азем Мүртед аба базасынын командирлигинде өттү. Бир минуталык эскерүүдөн кийин Куран окулуп, каза болгондор үчүн дуба кылынды.
Маркумдардын аттары аталгандан кийин Ливия делегациясынын сөөктөрү учакка жүктөлүп Ливияга жөнөтүлдү.
Жаназа зыйнатына Түркиянын Улуттук коргоо министри Яшар Гүлер, башкы штабдын төрагасы генерал Селчук Байрактароглу, кургак жер күчтөрүнүн командири генерал Метин Токел, деңиз күчтөрүнүн командири адмирал Эржүмент Татлыоглу, Ливиянын Анкарадагы элчиси Мустафа Элгелаиб, Ливия аскердик длегация мүчөлөрү жана маркумдардын үй - бүлөлөрү катышты.
Каза болгондордун арасында Ливиянын башкы штабынын төрагасы генерал Мухаммед Али Аль-Хаддад, Ливия армиясынын командири генерал-лейтенант Футури Грибел, Ливиянын аскердик заводдорунун директору бригада генералы Махмуд Жума Эль Гитевий, Ливиянын башкы штабынын төрагасынын кеңешчиси Мухаммед Ассави жана фотограф Мохаммед Омар Ахмед Махжуб болгон.
Башкы штабдын төрагасы генерал Селчук Байрактароглу да Ливиянын аскердик делегациясынын сөөгү өз өлкөсүнө жөнөтүлгөндөн кийин ал жерде өтө турган аскердик салтанатка катышуу үчүн Ливияга кетти.
