Бириккен Улуттар Уюмунун Башкы катчысы Антониу Гутерриш шейшемби күнү Судандагы кагылышууларды токтотууга чакырып, жарым аскердик күчтөр маанилүү шаарды басып алгандан кийин кризистин тездик менен курчуп баратканын эскертти.

Гутерриш согушуп жаткан тараптарды "келишим столуна отурууга, зомбулукту токтотууга" чакырды.

Гутерриш Дохада өткөн Социалдык өнүгүү боюнча дүйнөлүк саммиттин алкагында журналисттерге: "Судандагы оор кризис көзөмөлдөн чыгып баратат", - деп билдирди.

2023 - жылдан бери Судан армиясы менен согушуп жаткан Ыкчам колдоо күчтөрү 18 айлык курчоодон кийин октябрь айында стратегиялык Фашир шаарынын өзөмөлүн колго алды.

Фашир жана айланасында байланыш үзүлүп, өлүм жазалары, сексуалдык зомбулук, талап-тоноо, жардам кызматкерлерине кол салуу жана уурдоо тууралуу кабарлар билдирилди.

Гутерриш: "Фашир жана Түндүк Дарфурдун айланасындагы аймактар, кыйынчылыктын, зомбулуктун жана жер которуунун очогуна айланды", - деп Ыкчам колдоо күчтөрүнүн өткөн дем алыш күнү Фаширге киргенден кийин абалдын күн сайын начарлаганын кошумчалады.

БУУнун Башкы катчысы: "Жүз миңдеген жаран бул курчоодо калышты. Адамдар жетишсиз тамактануудан, оорудан жана зомбулуктан улам каза болуп жатышат", - деп билдирди.

БУУнун Башкы катчысы Палестина тууралуу да сөз кылып, Палестина аймактарында эки жылга созулган согушту токтоткон Газадагы ок атышууну токтотуу келишимин бузууга каршы эскертти.

Израиль Газадан алган үч сөөктүн барымтадагыларга тиешеси жок экендигин ырастагандан кийин, Хамас ишемби күнү Израилдин Газага жаңы чабуулдарды жасаганын билдирди.

Израиль шейшемби күнү жасаган кол салууларда 100дөн ашуун кишини өлтүрдү. Бул тууралуу маалымат аймактын жарадык коргонуу агенттиги тарабынан берилди. Мындан мурун 19 - октябрдагы кол салуулар 45 кишинин каз болушуна жол ачты.

Гутерриш шейшемби күнкү билдирүүсүндө: “Газадагы ок атышууну токтотуунун тынымсыз бузулушуна тынчсызданып жатам. Бул эреже бузуулар токтотулушу керек жана бардык тараптар тынчтык келишиминин биринчи этабындагы чечимдерди сакташы керек", - деди.