Франциянын президенти Эммануэль Макрон өз өлкөсү Африкада Түркия, Кытай жана АКШ сыяктуу атаандаштарына карата позициясын жоготуп жатканын мойнуна алып, муну француз мекемелеринин жана компанияларынын ондогон жылдар бою кайдыгерлиги жана текебердиги менен байланыштырды.
"Африка алдыга" бизнес форумунун жабылыш сессиясында сүйлөгөн сөзүндө Макрон өз өлкөсү акыркы 25 жылдан бери Африкада "таасирленип" жатканын айтып, бул тенденцияны "нормалдуу" жана ал тургай позитивдүү деп мүнөздөдү.
Француз компаниялары жана администрациялары африкалык өлкөлөр менен болгон тарыхый байланыштарга өтө көп таянып, ошондуктан атаандаштыкка жөндөмдүүлүгүн сактай албай калганын айткан Макрон "Алар француз болуу ар бир эшикти автоматтык түрдө ачкан артыкчылыктуу позиция деп эсептешкенин" кошумчалады.
Макрон Африка өлкөлөрү атаандаштыкка жөндөмдүү өнөктөштөргө кайрылуу менен рационалдуу экономикалык тандоолорду жасап жатканын айтып, Анкара менен Пекиндин континенттеги ролунун өсүп жатканын баса белгиледи.
Франциянын лидери Африка мындан ары жардамга гана негизделген же тышкы күчтөр Африка рынокторуна чечимдерди таңуулаган моделди кабыл албаганын айтты.
"Концептуалдык революцияга" чакырган Франциянын президенти Францияны жардам берүүгө гана негизделген "вертикалдуу логикадан" баш тартып, анын ордуна теңдикке жана өнөктөштүккө негизделген мамилени кабыл алууга чакырды.
Ошондой эле жаңы ыкма Африка өлкөлөрү менен "биргелешкен инвестицияга, биргелешкен өндүрүшкө жана биргелешкен инновацияга" багытталышы керектигин билдирган Макрон Африканын күчтүү экономикалык потенциалын да баса белгилеп, континент акыркы жылдары Түштүк-Чыгыш Азияны өсүш жагынан артта калтырганын айтты.
