Израилдин маалымат каражаттары өлкө бийлиги ракеталык соккуларды токтотуу максатында Ливандын түштүгүндөгү чек арага жакын жайгашкан биринчи айылдар тилкесин көзөмөлгө алууну пландап жатканын кабарлады.

Израилдин "Channel 12" телеканалынын маалыматына караганда, саясий жетекчилик армияга танкка каршы куралдар атылган Ливандын каалаган аймагын "экинчи буйрукка чейин" оккупациялоо буйругун берүүнү пландаштырууда.

Канал: "Израиль элге коркунуч туудурагн бардык аймактарды, өзгөчө Ливандын түштүгүндөгү биринчи айылдар тилкесин көзөмөлгө алууну көздөп жатат",- деп билдирди, бирок булардын кайсы айылдар экени тууралуу маалымат берген жок.

Израиль армиясы 2024-жылдын ноябрь айынан бери күчүндө турган ок атышууну токтотуу келишимине карабастан, акыркы күндөрү Хизбулла менен болгон чек арадагы кагылышуулардан улам Ливандын бүткүл аймагына абадан соккуларын күчөттү.

Ливандын расмий өкүлдөрүнүн маалыматы боюнча, 2-марттан бери Израилдин чабуулдарынан кеминде 968 адам каза болуп, 2432 адам жаракат алды.

Учурдагы чыңалуу 28-февралдан бери Иранга каршы жүрүп жаткан АКШ-Израиль биргелешкен операциясынын алкагында болууда. Бул операцияларда Иранда 1300гө жакын адам каза болду.

Тегеран Израилден тышкары Иорданияны, Иракты жана Перс булуңундагы өлкөлөрдү бутага алган учкучсуз учактар ​​жана ракеталык чабуулдар менен жооп кайтарып,"АКШнын аскердик объектилерин" бутага алганын билдирүүдө.