Жума күнкү билдирүүсүндө өнөр жай жана технология министри Мехмет Фатих Кажыр Түркиянын ушул жылдын 5-9-октябрь аралыгында Жер Ортолук деңизинин курорттук шаарында дүйнөнүн эң ири космостук иш-чарасы Эл аралык астронавтика конгрессин (ЭАК) өткөрөрүн маалымдады.

X баракчасында жарыяланган билдирүүсүндө Кажыр: "Биз бул ири иш-чарага карата даярдыктарды тездик менен улантып жатабыз, ал көптөгөн өлкөлөрдүн окумуштуулары, студенттери, ишкерлери, космостук компаниялары жана космостук агенттиктери үчүн жолугушуу жери болот", - деди.

Кажыр кызыкдар мекемелердин өкүлдөрүнүн катышуусунда министрликте Конгресстин аткаруу кеңешинин жыйынын өткөрүшкөнүн айтты.

Министр: "Президентибиз Режеп Таййип Эрдогандын жетекчилиги астында ишке ашырылган Улуттук космос программасы аркылуу биз өлкөбүздүн космостук илимдер жана технологиялар жаатындагы өсүшүн дүйнөгө жарыялап, космостук аракеттер адамзаттын жалпы келечегине кызмат кылаарын камсыздайбыз жана өлкөбүзгө татыктуу иш-чарага кожоюндук кылабыз" деп кошумчалады.

Өткөн айда Түркиянын космос агенттигинин (ТУА) башчысы Юсуф Кираж бул иш-чара келерки жылы Түркияда 10 000ден ашык космос адистерин чогултаарын жана мунун өлкөнүн космостук көз карашы үчүн тарыхый бурулуш болорун айткан.

Кираж окумуштууларды жана жаштарды конгресске катышууга чакырып; бул аларга өз макалаларын жарыялоого жана иш-чарага катышкан жогорку деңгээлдеги компаниялардын ээлери менен жолугушууга мүмкүнчүлүк берерин билдирген.