Россиянын тышкы иштер министри Сергей Лавров АКШ, Түштүк Корея жана Япониянын Түндүк Кореяга каршы коопсуздук альянсын түзүү аракетин айыптап, мындай кадамдардын аймактык тең салмактуулукту бузуп, чыңалууну дагы да күчөтүшү мүмкүн экендигин эскертти.

Мамлекеттик маалымат каражаттарында жарыяланган билдирүүлөргө караганда, Лавров ишемби күнү Түндүк Кореянын тышкы иштер министри Чо Сон Хуи менен Вонсан шаарында жолуккандан кийин: "Бул карым - катнаштарды Түндүк Корея жана албетте Россия да болгон кимдир бирөөгө каршы альянс түзүү үчүн колдонуу аракеттерине каршы эскертебиз", - деди.

Лавровдун бул сапары Москва менен Пхеньяндын аскердик жана дипломатиялык координациясын тереңдетип жаткан учурда, эки өлкөнүн ортосундагы стратегиялык диалогдун экинчи айлампасын да камтууда.

Лавров өзгөчө Пхеньяндын жакында Куала-Лумпурда өткөн АСЕАН форумдарына катышпаганына өкүнүчүн билдирип, Түндүк Кореянын үнүнүн “кем болгонун” айтты бирок Чого: “Сиз жок болсоңуз да АСЕАНдын аймактык коопсуздук форумунда биз сиздин кызыкчылыгыңыздарды коргодук”,- деди.

Түндүк Кореянын Украинадагы аскерлери, Путиндин Кимге кайрылуусу

Лавров Түндүк Кореянын аскерлеринин Украинанын Курск аймагында орус күчтөрү менен бирге активдүү согушуп жатканын моюнга алды.

Түндүк кореялык аскерлердин "мыкты согуштук даярдыгын" мактаган Лавров бул аракеттер орус жерлерин Украинадан бошотуу деп мүнөздөгөн "акыйкат ишинде" төгүлгөн кан менен "конкреттүү түрдө тастыкталганын" айтты.

Лавровдун Пхеньянга барып, Россиянын президенти Владимир Путиндин Ким Чен Ынга кайрылуусун билдирүүсү күтүлүүдө.

Андан кийин Лавров Шанхай Кызматташтык Уюмунун тышкы иштер министрлеринин жыйынына катышуу үчүн Кытайга барат.