Транспорт министри Абдулкадир Уралоглунун билдирүүсүнө караганда, Түркияда январь-июнь айларында аба каттамын тандаган жүргүнчүлөрдүн саны 108,8 миллионго жетти.
Уралоглу бейшемби күнкү билдирүүсүндө: «Январь-июнь мезгилинде Түркиянын ар кайсы аэропортторундагы ички жүргүнчү саны 46 миллион 562 миң 512ге, эл аралык жүргүнчү саны 62 миллион 172 миң 150гө, түз транзиттик жүргүнчүлөр менен 108 миллион 811 миң 724 жүргүнчүгө кызмат көрсөттү”,- деди.
Уралоглу өткөн айда жүргүнчүлөргө жана экологияга ыңгайлуу аэропортторго конгон жана учкан учактардын саны ички каттамдарда 89 696, ал эми тышкы каттамдарда 91 608 болгонун белгилеп, жалпы учак кыймылынын 223 миң 459га жеткенин белгиледи.
"Январь-июнь айлары аралыгында аэропортторго учак конуу жана учуу ички каттамдарда 454 миң 841, тышкы каттамдарда 410 миң 226 болду. Үстүнөн өтүүлөр менен бирге 1 миллион 134 миң 447 учак кыймылына жетишилди. Аталган мезгилде үстүнөн өтүүлөрдү кошкондо тейленген учак кыймылы өткөн жылдын ушул эле мезгилине салыштырмалуу 5,7 пайызга өстү", - деп билдирди.
Уралоглу алты айдын ичинде аба жолу менен саякатка чыккан жүргүнчүлөрдүн саны Европа Биримдигине мүчө өлкөлөр Австрия, Бельгия, Болгария, Чехия, Дания, Хорватия, Ирландия, Швеция, Латвия, Литва, Люксембург, Венгрия, Мальта, Португалия, Словакия, Словения жана Грециянын жалпы калкынын санынан ашканын, бу мезгилде аэропорттордогу жүк ташуунун көлөмү 2,3 миллион тоннага жеткенин белгиледи.
Стамбулдун аэропорттору
Жылдын алгачкы алты айында Стамбул аэропортундагы жүргүнчүлөрдүн саны 39,1 миллионго жетти. Анын 8,1 миллиону ички каттамдарда, 30,9 миллиону эл аралык каттамдарда болгон.
Сабиха Гөкчен аэропортунда ушул эле мезгилде 22,1 миллион жүргүнчү катталды. Анын 9,6 миллиону ички каттамдарда, ал эми 12,5 миллиону тышкы каттамдарда ишке ашты.
Жылдын алгачкы алты айында Түркиянын туризм борборлорундагы (Измир, Анталия, Мугла жана Алания) аэропорттору жалпысынан 23,9 миллион жүргүнчүнү тейледи. Анын ичинен 8,5 миллиону ички каттамдарда, 15,4 миллиону эл аралык каттамдарда болгон.
