Жекшемби күнү The Guardian гезитине берген маегинде, эгер бул план ишке аша турган болсо мунун "этникалык тазалоо" менен барабар болорун баса белгилеп: "(Палестиналыктар) жаңы"гуманитардык жардам шаарына" сүргүнгө айдала турган болсо,  муну этникалык тазалоонун бир бөлүгү деп айтууга толук негиз бар",- деди Эхуд Олмерт.

Олмерт ошондой эле мындай «гуманитардык жардам шаарын» куруу палестиналыктарга жардам берүүнүн ордуна Газада күч менен жер которууга алып келерин белгиледи.

 "Гуманитардык жардам шаары"?

 Ок атышпоо келишими түзүлсө да Израилдин Рафахты көзөмөлгө алууну улантууну каалаганын айткан Израилдин коргоо министри Исраэль Кац аймакта палестиналыктарды башка өлкөлөргө  сүрүү максатында «гуманитардык жардам шаарынын» курулушу үчүн армияга көрсөтмө бергенин белгиледи.

Кац  адамдар бул аймакка киргенден кийин чыгууларына уруксат берилбей турганын айтты. Палестиналыктардын аймакка кирбестен мурун текшерүүдөн өткөрүлөрүн жана эң башта   600 миң кишини көчүрүүнүн максат кылынгандыгын белгиледи.

Кац максаттарынын бардык палестиналыктарды «эл аралык мекемелер тарабынан башкарылган жана Израиль армиясы тарабынан коопсуздугу түзүлгөн» аянтта чогултуу экендигин айтты.

Израиль медиасы премьер  - министр Биньямин Нетаньяхунун да  5 -  июлдагы кабинет жыйынында Рафахта «гуманитардык жардам шаарын» курууну буйрук кылганын маалымдады.  

ХАМАС менен ок атышпоо келишими түзүлсө да Израилдин Мораг жана Филадельфия коридорлорунун ортосунда жайгашкан Рафахтан кетпей турганы айтылды.

Газадагы палестиналыктарды башка өлкөлөргө сүрүү идеясы алгач АКШнын президенти Дональд Трамп тарабынан көтөрүлүп, кийин Израиль тарабынан кабыл алынган. Нетаньяху бул планды ишке ашыруу үчүн иштеп жатышкандарын бир нече жолу билдирген.