Окупацияга алынган Батыш Шерианын түндүгүндөгү Женин шаарында үйүндө Израиль аскерлери ок атып оор жарадар болгон палестиналыктын медициналык кызматкерлердин кийлигишүүсүнө жол берилбегендиктен кан жоготуп каза болгону кабарланды.
Расмий палестина жаңылыктар агенттиги WAFAнын маалыматына караганда, Израиль аскерлери Фетхи Хазимдин Женин шаар борборундагы үйүнө рейд уюштурган.
Рейд учурунда Израиль аскерлери Хазимди чыныгы ок менен атып, ал оор жарадар болгон. Израиль тарап аймакка тез жардам унаасынын киришине уруксат бербегендиктен Хазим кан жоготуп көз жумду.
Израиль аскерлери маркумдун сөөгүн да алып койду.
Окуя боюнча Израиль жетекчилигинен учурдача эч кандай расмий билдирүү жок.
Израиль армиясы Газза тилкесине карай соккуларын 2023-жылдын октябрында баштагандан бери, оккупациядагы Батыш Шериа менен Чыгыш Кудста палестиналыктарга рейддер, чабуулдар жана колго түшүрүүлөр кескин көбөйүп жатат.
