Лондондогу Түркиянын консулдугунун алдында Куранды өрттөгөн адам диний жек көрүүчүлүктү козуткан коомдук тартипти бузгандыгы үчүн күнөөлүү деп табылды. Бул окуя сөз эркиндигинин чектери жана нааразычылык менен жек көрүүнүн ортосундагы чек ара боюнча талаш-тартыштарды кайрадан жандандырды.
50 жаштагы Хамит Жошкун февраль айында Лондондун батышындагы Найтсбриджде исламдык ыйык тексттин өрттөлгөн көчүрмөсүн өйдө көтөрүп, исламофобиялык ураандарды чакыруу менен айыпталды.
Дүйшөмбү күнү округдун судьясы Жон МакГарва айыпталуучунун аракеттерине "мусулмандарга карата кастык түрткү болгон" жана анын жүрүм-туруму Адам укуктары боюнча Европа конвенциясында каралган укуктарын "акылга сыярлык иш эмес" деп чечим чыгарды.
Чечимин билдирген МакГарва: “Куранды өрттөө аракети чагымчыл аракет жана аракеттериңиз динге акарат келтирген тил менен коштолду»,- деди.
Айыпталуучу "сөз эркиндиги укугун" колдонгондугун жактады, социалдык медиаlf жарыяланган окуя Британияда чоң реакция жаратты.
Коомдук толкундоо
Бирок сот айыпталуучунун билдирүүсүн четке кагып "исламга жана анын жолдоочуларына терең жек көрүү сезими бар экени анык" деп билдирди.
Судья МакГарва соттолуучунун сөз болгон күнү жасаган иш-аракеттерин атайылап жаслаган чагымчылдык деп тапты.
Элчиликтин алдында туруп Куранды өйдө көтөрүп, өрттөгөн жана кайра-кайра "Куран күйүп жатат" деп кыйкырган. Ошол эле учурда ал сот "акарат сөздөр" деп мүнөздөгөн жана исламга карата акарат келтирген сөздөрдү колдонгон.
Сот айыпталуучунун ушундай реакция жаратууну максат кылган деген жыйынтык чыгарды.
«Убакытты, жерди жана кыймыл – аракетти атайын тандадыңыз. Мусулмандардын ал жерде болорун жана кыймыл - аракетиңиздин кыжырдануу жаратарын да билгенсиз»,- деди.
